Mola winni ebo obare anmal san, anmal gala, anmal burwa, waimala nabir anmal daimala webina. Anmalga saglamala namaimala onmaggedneggin.

Anmal nabba mai Colombiayalgin Panamáyalginba, an neggwebur nuga Ibgigundiwala waimal soge Caimán Nuevo, Antioquiagin, Necoclí, departamento, Soimala Golfo de Urabá.

An negweburgin gudisadae yer an iddodae, mai an iddoge dule ome an san, an gwage, an burwa, mu an iddosdibal an binsaed nadae anmal Dule malgin, anmal nana Nabguana aga anmal aggwelgebe.

Dule omegan an daisad an mai nei iddoe, ibigala anmal ome guedginne, anmal negwebur gala nigga ibigala anmal gwedginne ielesuli.

Anmal sailamal suiddi, sissi dailege anmal imiayobi sabduryob, anmal omegan ďoddomala.

Nagegiryainuggin anmal omegan nabir Mola magged, we ome dummadi noniggi anmal odurdaggegala.

Anmal GunaDule daedggin binsae anmal nabba bugwa buggidar Galumala, a galugin anmal omegan doisa, nabir mola maggedgin anmal gwage obare. Disla, iggo, molsanba anmal bega nermagge.

Anmal dadggan soimala buggidar nelemal baddismala nabbase, we galuse dogega, gabdaggednuggin nabir duleome doisa Galuse durdaggega igi mola mailegge ibi obare, agala an bemalga soge anmal Dule omegan gal nigga saed negwebur.

Anmal mola yosad, nabguanayob dailegegala.

We arbaedggin an sumaisa, omeganbagga, sumaggegala ibi obare anmal negwebur Panamá yalgin colombia Ebo anmal nigga nappamal.